កាលពីថ្ងៃទី១០ ខែមេសា ធនាគារកំពូលអាមេរិក Goldman Sachs បានព្យាករថា អត្រាលក់រថយន្តនៅក្នុងឆ្នាំ២០២៥ នឹងមានការធ្លាក់ចុះរហូតដល់ ១លានគ្រឿងឯណោះ ដោយសារបញ្ហារឹតបន្តឹងពន្ធគយរបស់ប្រធានាធិបតី Donald Trump។ នេះបើតាមការចុះផ្សាយពីទីភ្នាក់ងារព័ត៌មាន Reuters។
Million Times 
បើទោះជាកាលពីថ្ងៃទី០៩ ខែមេសា លោក Trump ពន្យារពេលទារពន្ធនាំចូលទំនិញពីបណ្ដាប្រទេសជាច្រើន រយៈពេល៩០ថ្ងៃ ប៉ុន្តែចំពោះការនាំចូលរថយន្ត និងគ្រឿងបង្គុំរថយន្ត គឺនៅតែបន្តអនុវត្តការយកពន្ធ ២៥% ដដែល។
ធនាគារកំពូលអាមេរិកអះអាងថា ក្រោយអនុវត្តវិធានការទារពន្ធបែបនេះ តម្លៃរថយន្តនៅអាមេរិកទំនងឡើងថ្លៃ ចន្លោះពី ២ ០០០ ទៅ ៤ ០០០ដុល្លារ ក្នុងរយៈពេល ៦ ទៅ ១២ខែខាងមុខ។
Goldman Sachs អះអាងថា ការលក់រថយន្តនៅអាមេរិកក្នុងឆ្នាំ២០២៥ ទំនងសម្រេចបាន ១៥,៤លានគ្រឿង តិចជាងការព្យាករកាលពីដើមឆ្នាំប្រហែល ១លានគ្រឿង ខណៈអត្រាផលិតរថយន្តវិញ ទំនងថយចុះពី ៩០,៤លានគ្រឿង មកនៅត្រឹម ៨៨,៧លានគ្រឿងប៉ុណ្ណោះ៕
អត្ថបទ៖ Luffy រូបភាព៖ Carscoops