ទីផ្សារជួញដូរភាគហ៊ុនធំបំផុតមួយរបស់អាមេរិកគឺ S&P 500 បានរងនូវការខាតបង់ខ្លាំងមិនធ្លាប់មាន រយៈពេល៥ឆ្នាំចុងក្រោយ ដោយកាលពីថ្ងៃទី០៣ ខែមេសា ពួកគេខូចខាតរហូតដល់ ២,៤ទ្រីលានដុល្លារឯណោះ។

ទីភ្នាក់ងារព័ត៌មាន Reuters បានចុះផ្សាយថា ការធ្លាក់ចុះដ៏អាក្រក់មិនធ្លាប់មាន លើទីផ្សារហ៊ុន S&P 500 នេះ បណ្ដាលមកពីការប្រកាសរបស់ប្រធានាធិបតី Donald Trump ជុំវិញវិធានការទារពន្ធសងសឹកទ្រង់ទ្រាយធំ ចំពោះបណ្ដាប្រទេសជាច្រើនទូទាំងពិភពលោក។

ពេលបិទផ្សារជួញដូរប្រចាំថ្ងៃ ហាងឆេងតម្លៃភាគហ៊ុនលើផ្សារ S&P 500 បានធ្លាក់រហូតដល់ជិត ៥% ដោយសារវិនិយោគិនជាច្រើនសម្រុកលក់ភាគហ៊ុន បន្ទាប់ពីមានភាពភ័យខ្លាច នៃការកើតមានសង្គ្រាមពាណិជ្ជកម្មខ្នាតយក្ស ដែលធ្វើឲ្យតម្លៃហ៊ុននៃក្រុមហ៊ុនអាមេរិកជាច្រើន ដាំក្បាលចុះព្រមៗគ្នា៕

អត្ថបទ៖ Luffy រូបភាព៖ Reuters