នាថ្ងៃទី០៤ ខែមេសា តុលាការធម្មនុញ្ញកូរ៉េខាងត្បូងបានសម្រេចគាំទ្រញត្តិទម្លាក់តំណែងលោក Yoon Suk Yeol ពីកៅអីប្រធានាធិបតី ជុំវិញការប្រកាសច្បាប់អាជ្ញាសឹករយៈពេលខ្លីកាលពីចុងឆ្នាំមុន។ នេះបើតាមការចុះផ្សាយពីសារព័ត៌មាន Reuters។

បន្ទាប់ពីរបូតតំណែងជាប្រធានាធិបតីកូរ៉េខាងត្បូង ពេលនេះលោក Yoon ថែមទាំងត្រូវប្រឈមមុខ ជាមួយនឹងការកាត់ទោសបទល្មើសព្រហ្មទណ្ឌ ក្រោយគណបក្សប្រឆាំងប្ដឹងលោកថា ការចេញច្បាប់អាជ្ញាសឹករបស់លោក គឺជាទង្វើបះបោរ។ តុលាការកំពុងបញ្ជាឲ្យមានការស៊ើបអង្កេតជុំវិញបញ្ហាមួយនេះ។

គួរជម្រាបដែរថា ក្រោយលោក Yoon របូតតំណែងជាប្រធានាធិបតី នាយករដ្ឋមន្ត្រី Han Duck-soo នឹងត្រូវដើរតួជាប្រធានាធិបតីស្ដីទី រហូតដល់មានការបោះឆ្នោតស្វែងរកប្រធានាធិបតីផ្លូវការ ក្នុងរយៈពេល ៦០ថ្ងៃខាងមុខ៕

អត្ថបទ៖ Luffy រូបភាព៖ Korea JoongAng Daily