ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃព្រហស្បតិ៍ថា មេដឹកនាំកូរ៉េខាងជើងលោក Kim Jong-un បានត្រួតពិនិត្យការសាកល្បងយន្តហោះគ្មានមនុស្សបើកធ្វើអត្តឃាតជាមួយនឹងបច្ចេកវិទ្យាបញ្ញាសិប្បនិម្មិត (AI) ហើយបាននិយាយថា ការគ្រប់គ្រងគ្មានមនុស្សបើក និងសមត្ថភាព AI ត្រូវតែជាអាទិភាពកំពូលក្នុងការអភិវឌ្ឍន៍អាវុធទំនើប។
ទីភ្នាក់ងារសារព័ត៌មានរដ្ឋ KCNA បាននិយាយថា លោក Kim បានត្រួតពិនិត្យយន្តហោះគ្មានមនុស្សបើកឈ្លបយកការណ៍ថ្មី ដែលមានសមត្ថភាពអាចរកឃើញគោលដៅយុទ្ធសាស្ត្រផ្សេងៗ និងសកម្មភាពរបស់សត្រូវនៅលើគោក និងនៅសមុទ្រ។
Million Times 
KCNA បានដកស្រង់សម្តីលោក Kim ថា “វិស័យឧបករណ៍គ្មានមនុស្សបើក និងបញ្ញាសិប្បនិម្មិត គួរតែជាអាទិភាពកំពូល និងត្រូវបានអភិវឌ្ឍក្នុងការធ្វើទំនើបកម្មកងកម្លាំងប្រដាប់អាវុធ” ។
សូមជម្រាបថា កូរ៉េខាងជើងដែលមានអាវុធនុយក្លេអ៊ែរក៏បានបង្ហាញជាផ្លូវការនូវយន្តហោះព្រមានមុនពេលហោះហើរជាលើកដំបូងដែលជាសមត្ថភាពដែលអាចកែលម្អប្រព័ន្ធការពារដែនអាកាសដ៏ចាស់របស់ខ្លួន។
រូបថតដែលត្រូវបានផ្សព្វផ្សាយដោយប្រព័ន្ធផ្សព្វផ្សាយរដ្ឋបានបង្ហាញថា លោក Kim Jong-un ឡើងជណ្តើរឆ្ពោះទៅកាន់ទ្វារនៃយន្តហោះដ៏ធំដែលមានម៉ាស៊ីនចំនួន៤ និងប្រព័ន្ធរ៉ាដាដែលដាក់នៅលើតួយន្តហោះ ហើយមើលយន្តហោះដែលកំពុងហោះហើរទាប គឺជាយន្តហោះគ្មានមនុស្សបើកធ្វើអត្តឃាតជាមួយនឹងបច្ចេកវិទ្យាបញ្ញាសិប្បនិម្មិត (AI) ៕
អត្ថបទ៖ សារ៉ាយ រូបភាព៖ Yonhap