នាយករដ្ឋមន្ត្រីសិង្ហបុរី Lawrence Wong និងភរីយា បានធ្វើដំណើរទៅដល់ទីក្រុងហាណូយកាលពីរសៀលថ្ងៃអង្គារ ទី២៥ ខែមីនា ដើម្បីត្រៀមបំពេញទស្សនកិច្ចផ្លូវរដ្ឋនៅប្រទេសវៀតណាម រយៈពេល២ថ្ងៃ។

ទីភ្នាក់ងារព័ត៌មាន VNExpress បានរាយការណ៍ថា ដំណើរទស្សនកិច្ចផ្លូវរដ្ឋរបស់លោក Wong ធ្វើឡើងចំពេលប្រទេសទាំង២ កំពុងពិភាក្សា និងធ្វើការដើម្បីសម្រេចបាននូវសក្តានុពលកិច្ចសហប្រតិបត្តិការ ក្នុងក្របខ័ណ្ឌនៃភាពជាដៃគូយុទ្ធសាស្ត្រគ្រប់ជ្រុងជ្រោយ រវាងប្រទេសទាំង២។

ការធ្វើដំណើររបស់មេដឹកនាំសិង្ហបុរី ទៅកាន់ទីក្រុងហាណូយបានបង្ហាញឲ្យឃើញថា ទោះជាធ្លាប់ឆ្លងកាត់ព្យុះភ្លៀងខ្លាំងប៉ុណ្ណា ក៏វៀតណាម និងសិង្ហបុរី ប្ដេជ្ញាពង្រឹងសម្ព័ន្ធមិត្តប្រទេសទាំង២ ឲ្យកាន់តែរឹងមាំជាងមុន ជាពិសេសចំពេលកំពុងមានហានិភ័យនៃសង្គ្រាមពាណិជ្ជកម្ម រវាងប្រទេសមហាអំណាចធំៗ៕

អត្ថបទ៖ Luffy រូបភាព៖ VNExpress