អាជីវករ និងអ្នកនាំចេញផ្លែទុរេនថៃបានឲ្យដឹងថា តម្លៃផ្លែឈើមួយប្រភេទនេះ ទំនងមានការធ្លាក់ថ្លៃខ្លាំងនៅក្នុងឆ្នាំនេះ ខណៈតម្រូវការបច្ចុប្បន្នកំពុងមានសន្ទុះគួរឲ្យកត់សម្គាល់។ នេះបើតាមការចុះផ្សាយពីសារព័ត៌មាន VNExpress។
Million Times 
លោក Sanchai Puranachaikiri ប្រធានសមាគមពាណិជ្ជករ និងនាំចេញផ្លែឈើស្រស់ថៃ បាននិយាយថា ការនាំចេញផ្លែទុរេនពីភាគខាងកើត នឹងកើនឡើង២០% ខណៈរដូវកាលប្រមូលផល នឹងចាប់ផ្ដើមពីខែក្រោយទៅ។
លោកបន្តថា ការធ្លាក់ថ្លៃនៃផ្លែទុរេន គឺបណ្ដាលមកពីការប្រកួតប្រជែងទីផ្សារ ដែលមានបរិមាណច្រើន គួបផ្សំជាមួយការរឹតបន្តឹងខ្លាំងពីទីផ្សារនាំចេញដ៏ធំបំផុត គឺប្រទេសចិនផង បានធ្វើឲ្យតម្លៃទុរេនប្រឈមនឹងការធ្លាក់ថ្លៃក្នុងឆ្នាំនេះ។
ទោះជាផ្លែឈើមួយប្រភេទនេះ ប្រឈមនឹងការធ្លាក់ថ្លៃក៏ពិតមែន ប៉ុន្តែក្រសួងកសិកម្មថៃអះអាងថា ការនាំចេញផ្លែទុរេនលើទីផ្សារអន្តរជាតិ នឹងសម្រេចបានកំណើន ៣៧% ច្រើនជាងឆ្នាំទៅ ពោលនៅក្នុងឆ្នាំនេះ ថៃនឹងសម្រេចការនាំចេញទុរេន រហូតដល់ ១,៧លានតោន៕
អត្ថបទ៖ Luffy រូបភាព៖ AFP