ស្ថាបនិកក្រុមហ៊ុនជួញដូររូបិយវត្ថុឌីជីថល Gobit លោក Aleksei Andriunin បានសារភាពពីទោសកំហុសនៅចំពោះមុខតុលាការអាមេរិក ពីបទល្មើសបន្លំទិន្នន័យទីផ្សារ និងបោកប្រាស់ទំនុកចិត្តអ្នកប្រើប្រាស់។
ទីភ្នាក់ងារព័ត៌មាន Reuters បានរាយការណ៍កាលពីថ្ងៃទី២១ ខែមីនាថា លោក Aleksei រួមទាំងបុគ្គលិកជាន់ខ្ពស់ក្រុមហ៊ុន Gotbit បានសារភាពនៅតុលាការក្នុងទីក្រុង Boston ថា ពួកគេពិតជាបានលួចបន្លំទិន្នន័យទីផ្សារ បោកប្រាស់ទំនុកចិត្តវិនិយោគិន រួមទាំងបានឆបោកអតិថិជន ឲ្យផ្ទេរប្រាក់មកពួកគេថែមទៀត។
Million Times 
រដ្ឋអាជ្ញាបានបញ្ជាក់យ៉ាងច្បាស់ថា ចន្លោះឆ្នាំ២០១៨ ដល់ឆ្នាំ២០២៤ ក្រុមហ៊ុន Gotbit បានលួចបន្លំ និងកែប្រែទិន្នន័យទីផ្សារ ដើម្បីបំប៉ោងតម្លៃកាក់មួយចំនួន សម្រាប់អតិថិជនរបស់ខ្លួន និងលួចលុយពីអ្នកប្រើប្រាស់កម្មវិធីរបស់ពួកគេថែមទៀត។
ក្រោយសារភាពពីទោសកំហុស តុលាការបានចេញសេចក្ដីសម្រេចថា លោក Aleksei នឹងត្រូវជាប់ពន្ធនាគាររយៈពេល ២ឆ្នាំ រាប់ចាប់ពីថ្ងៃទី១៦ ខែមិថុនា ខណៈក្រុមហ៊ុន Gotbit ត្រូវបានបញ្ជាឲ្យសងប្រាក់ចំនួន ២៣លានដុល្លារ ជារូបិយវត្ថុឌីជីថលទៅកាន់ជនរងគ្រោះ៕
អត្ថបទ៖ Luffy រូបភាព៖ YouTube