ប្រធានាធិបតីអាមេរិក លោក Donald Trump បានចេញមុខចោទប្រកាន់អ៊ុយក្រែនថា ជាអ្នកទទួលខុសត្រូវចំពោះសង្គ្រាមជាមួយរុស្ស៊ី។ នេះបើយោងតាម BBC News ។
ថ្លែងពីវិមាន Mar-a-Lago របស់លោកក្នុងរដ្ឋផ្លរីដា ទៅកាន់អ្នកសារព័ត៌មាន លោក Trump បានគូសបញ្ជាក់អំពីប្រជាប្រិយភាពរបស់ប្រធានាធិបតី Volodymyr Zelensky ហើយកត់សម្គាល់ឃើញថា អ៊ុយក្រែនមិនទាន់រៀបចំការបោះឆ្នោតតាមកាលវិភាគនៅឡើយទេ ដោយសារច្បាប់អាជ្ញាសឹក។ ក្នុងន័យនេះ ទំនងជាលោក Trump ចង់ឲ្យអ៊ុយក្រែនរៀបចំការបោះឆ្នោតជ្រើសរើសប្រធានាធិបតី ខណៈប្រធានាធិបតីរុស្សុីក៏ចង់បានបែបនេះដែរ។
Million Times 
សារនយោបាយរបស់លោក Trump កើតឡើងតែប៉ុន្មានម៉ោងបន្ទាប់ពីមន្ត្រីអាមេរិកបានជួបជាមួយគណៈប្រតិភូរុស្ស៊ីនៅទីក្រុង Riyadh ដើម្បីបើកកិច្ចចរចាបញ្ចប់ជម្លោះដែលបានអូសបន្លាយជិតបីឆ្នាំមកហើយ។
អាជ្ញាធរអ៊ុយក្រែនបានសម្តែងការមិនពេញចិត្តចំពោះការមិនចូលរួមក្នុងកិច្ចពិភាក្សាកាលពីថ្ងៃអង្គារនៅទីក្រុង Riyadh។ ប៉ុន្តែលោក Trump បានច្រានចោលដោយប្រាប់អ្នកកាសែតថា អ៊ុយក្រែនមានពេលបីឆ្នាំដើម្បីបញ្ចប់សង្គ្រាម មុនពេលលោកចេញមកស្តីបន្ទោសទីក្រុង Kyiv សម្រាប់ការចាប់ផ្តើមជម្លោះ។
Trump បាននិយាយថា “អ្នកមិនគួរចាប់ផ្តើមវាទេ” ។ ទន្ទឹមនឹងនេះ វិមានក្រឹមឡាំង ធ្លាប់បានចោទប្រកាន់អ៊ុយក្រែនថា បានចាប់ផ្តើមសង្រ្គាមប្រឆាំងនឹងរុស្ស៊ី៕
អត្ថបទ៖ សារ៉ាយ រូបភាព៖ BBC