លោក Donald Trump បានប្រកាសកាលពីថ្ងៃសៅរ៍ថា លោកកំពុងជ្រើសរើសម្ចាស់ក្រុមហ៊ុន Houston Rockets លោក Tilman Fertitta ឱ្យធ្វើជាឯកអគ្គរដ្ឋទូតអាមេរិកប្រចាំប្រទេសអ៊ីតាលី ជាកន្លែងដែលនាយករដ្ឋមន្រ្តីលោកស្រី Giorgia Meloni បាននិងកំពុងពង្រីកឥទ្ធិពលនៅអឺរ៉ុប។
លោក Trump បានសរសេរនៅលើ Truth Social ដោយសំអាងលើ Fertitta ជាអ្នកជំនួញក្នុងវិស័យបដិសណ្ឋារកិច្ច Landry’s ដែលប្រតិបត្តិការភោជនីយដ្ឋានជាង ៦០០ រួមទាំងកាស៊ីណូ និងសណ្ឋាគារទូទាំងប្រទេស។
Million Times 
Fertitta មិនដែលកាន់តំណែងនយោបាយទេប៉ុន្តែជាអ្នកផ្តល់ជំនួយដល់គណបក្សសាធារណៈរដ្ឋ GOP យូរមកហើយ រួមទាំងទៅគណៈកម្មាធិការសកម្មភាពនយោបាយនៃភាពជាអ្នកដឹកនាំ Save America PAC របស់ Trump ។ លោកក៏មានតួនាទីជាប្រធានក្រុមប្រឹក្សាភិបាលនៃសាកលវិទ្យាល័យ Houston ផងដែរ។
មានដើមកំណើតនៅរដ្ឋតិចសាស់ គឺជាអ្នកចុងក្រោយបង្អស់ក្នុងជួរសម្ព័ន្ធមិត្ត Trump និងម្ចាស់ជំនួយដែលត្រូវបានជ្រើសរើសជាអ្នកការទូតអឺរ៉ុប ដែលភាគច្រើនមិនមានបទពិសោធន៍នយោបាយពីមុនមក មានដូចជា មហាសេដ្ឋី Warren Stephens និង Tom Barrack ជ្រើសរើសជាឯកអគ្គរដ្ឋទូតនៅចក្រភពអង់គ្លេស និងទួរគី ហើយសាច់ញាតិ Trump លោក Charles Kushner និងសម្ព័ន្ធមិត្ត Kimberly Guilfoyle តែងតាំងឲ្យកាន់ដំណែងទូតបារាំង និងក្រិក។
រដ្ឋបាល Trump ដែលកំពុងចូលមកត្រូវបានគេរំពឹងថានឹងធ្វើការយ៉ាងជិតស្និទ្ធជាមួយរដ្ឋាភិបាលអ៊ីតាលី។ ទាំងប្រធានាធិបតីជាប់ឆ្នោត និងទីប្រឹក្សា ក៏ដូចជាសហគ្រិនបច្ចេកវិទ្យាមហាសេដ្ឋី Elon Musk បានធ្វើជាមួយលោកស្រី Giorgia Meloni ក្នុងរយៈពេលប៉ុន្មានខែថ្មីៗនេះ ដោយហៅលោកស្រីថា “ស្រស់ស្អាត ជាអ្នកដឹកនាំ និងជាមនុស្សដ៏អស្ចារ្យដែលមានទេពកោសល្យដ៏មានតម្លៃ”៕
អត្ថបទ៖ សារ៉ាយ រូបភាព៖