ប្រធានាធិបតីជាប់ឆ្នោត Donald Trump បានប្រកាសថា លោកបានតែងតាំងមេធាវីផ្ទាល់ខ្លួនម្នាក់ ដែលបានការពារក្ដីរបស់លោក ក្នុងសំណុំរឿងឲ្យលុយបំបិទមាត់តារាកុនសិចម្នាក់នាពេលកន្លង ឲ្យឡើងតំណែងជាទីប្រឹក្សាប្រធានាធិបតី។
Million Times 
តាមរយៈការចុះផ្សាយពីទីភ្នាក់ងារព័ត៌មាន AP បានឲ្យដឹងថា អនាគតទីប្រឹក្សាប្រធានាធិបតីថ្មី គឺជាអ្នកនាង Alina Habba វ័យ ៤០ឆ្នាំ និងជាមេធាវីផ្ទាល់ខ្លួនរបស់លោក Trump។
លោក Trump បានសរសេរសារបង្ហោះលើបណ្ដាញសង្គមថា «នាង (Habba) បានបង្ហាញពីភក្ដីភាពដ៏ស្មោះត្រង់ និងការសម្រេចចិត្តយ៉ាងមុតមាំ អំឡុងពេលឆ្លងកាត់ការឡើងសវនាច្រើនដងជាមួយគ្នា។ មានមនុស្សតិចណាស់ ដែលស្គាល់ច្បាស់ពីប្រព័ន្ធអយុត្តិធម៌ ជាង Alina»។
លោក Donald Trump គឺជាអតីតប្រធានាធិបតីអាមេរិកដំបូងបំផុតក្នុងប្រវត្តិសាស្ត្រ ដែលត្រូវបានកាត់ទោសពីបទឧក្រិដ្ឋ នៅពេលតុលាការក្រុង New York ចោទប្រកាន់លោកថា បានល្មើសច្បាប់ចំនួន ៣៤ករណី៕
អត្ថបទ៖ Luffy រូបភាព៖ BBC