កាលពីសប្ដាហ៍មុន លោក Donald Trump ទទួលបានការគាំទ្រ និងជាប់ឆ្នោតជាប្រធានាធិបតីអាមេរិកអាណត្តិទី៤៧ ហើយសម្រាប់តំណែងកំពូលនៃមហាអំណាចសេដ្ឋកិច្ចធំបំផុតលើលោកនេះទៀតសោត គឺធានាបាននូវប្រាក់ខែ ៤០០ ០០០ដុល្លារក្នុងមួយឆ្នាំ។

ថ្វីបើទទួលបានប្រាក់ខែជិតកន្លះលានដុល្លារក្នុងមួយឆ្នាំមែន តែតួនាទីប្រធានាធិបតីអាមេរិក មិនមែនជាមុខតំណែង មានប្រាក់ខែខ្ពស់បំផុតឡើយ បើធៀបនឹងមេដឹកនាំមហាអំណាចដទៃ។

គេហទំព័រ VisualCapitalist បានរាយការណ៍ថា មេដឹកនាំ ដែលមានប្រាក់ខែខ្ពស់បំផុតលើពិភពលោក គឺនាយករដ្ឋមន្ត្រីសិង្ហបុរី លោក Lawrence Wong ដែលទទួលបានប្រាក់ខែ ១,៦លានដុល្លារក្នុងមួយឆ្នាំ ខណៈប្រធានាធិបតីអាមេរិក ស្ថិតនៅលេខរៀងទ០៤។

ខាងក្រោមនេះ គឺជាបញ្ជីឈ្មោះមេដឹកនាំទាំង ១០រូប មានប្រាក់ខែខ្ពស់បំផុតលើពិភពលោក គិតត្រឹមដំណាច់ឆ្នាំ២០២៤៖

រដ្ឋាភិបាល	ឈ្មោះ	ប្រាក់ខែប្រចាំឆ្នាំ	តួនាទី
សិង្ហបុរី	Lawrence Wong	១ ៦០០ ០០០ដុល្លារ	នាយករដ្ឋមន្ត្រី
ហុងកុង	John Lee Ka-chiu	៦៩៥ ០០០ដុល្លារ	ប្រមុខរដ្ឋ
ស្វីស	Viola Amherd	៥៣០ ០០០ដុល្លារ	ប្រធានាធិបតី
អាមេរិក	Joe Biden	៤០០ ០០០ដុល្លារ	ប្រធានាធិបតី
អូស្ត្រាលី	Anthony Albanese	៣៩០ ០០០ដុល្លារ	នាយករដ្ឋមន្ត្រី
អាល្លឺម៉ង់	Olaf Scholz	៣៦៧ ០០០ដុល្លារ	អធិការបតី
សហភាពអឺរ៉ុប	Ursula von der Leyen	៣៦៤ ០០០ដុល្លារ	ប្រធាន
អូទ្រីស	Karl Nehammer	៣០៧ ០០០ដុល្លារ	អធិការបតី
កាណាដា	Justin Trudeau	២៩២ ០០០ដុល្លារ	នាយករដ្ឋមន្ត្រី
នូវែលហ្សេឡង់	Christopher Luxon	២៨៨ ០០០ដុល្លារ	នាយករដ្ឋមន្ត្រី

អត្ថបទ៖ Luffy រូបភាព៖ VisualCapitalize