រដ្ឋាភិបាលអាមេរិក បានប្រកាសលុបចោលបំណុលពីប្រទេសសូម៉ាលី ដែលមានចំនួន ១,១៤ពាន់លានដុល្លារ តាមរយៈកិច្ចព្រមព្រៀងទ្វេភាគីរវាងប្រទេសទាំង២។

សារព័ត៌មាន Bloomberg បានរាយការណ៍ថា កាលពីខែធ្នូ ឆ្នាំ២០២៣ ប្រទេសសូម៉ាលី ទទួលបានកម្មវិធីលើកលែងបំណុលពីក្រុមប្រទេសធំៗ ក្នុងទំហំទឹកប្រាក់ ៤,៥ពាន់លានដុល្លារ ខណៈការលុបចោលបំណុលរបស់អាមេរិកសារនេះ គឺជាការលុបចោលបំណុលច្រើនបំផុត។

បំណុលទាំងនោះ ប្រទេសសូម៉ាលីបានខ្ចីពីសហរដ្ឋអាមេរិក ដើម្បីយកមកអភិវឌ្ឍន៍ប្រទេស ទាំងផ្នែកសេដ្ឋកិច្ច សន្តិសុខសង្គម និងផ្នែកមនុស្សធម៌។

សូមជម្រាបដែរថា ប្រទេសសូម៉ាលី គឺជាប្រទេសក្រីក្របំផុតមួយលើពិភពលោក ដោយមានបំណុលសឹងស្មើ ៧០% នៃ GDP សរុប៕

អត្ថបទ៖ Luffy រូបភាព៖ Bloomberg