អ្នកឧកញ៉ា ហេង បូរិន ដែលជាម្ចាស់ បុរី ហេង បូរិន រួមទាំងមានគ្រឹះស្ថានមីក្រូហិរញ្ញវត្ថុឯកជនមួយរូបផងដែរនោះ ជាបុគ្គលសាធារណៈដែលចូលចិត្តចែករំលែកចំណេះដឹង និងទស្សនៈផ្សេងៗ ដើម្បីឲ្យសហគ្រិន ក៏ដូចជាវិនិយោគិន ទទួលបានគំនិតថ្មីៗ។
Million Times 
សម្រាប់អ្នកជំនួញល្បីឈ្មោះរូបនេះ ជាមនុស្សមានចិត្តសប្បុរស និងចែករំលែកផ្សេងៗទាំងចំណេះ និងទាន។ លោកក៏ជាបុគ្គលដែលចូលរួមសកម្មភាពសង្គមនានា ដើម្បីជាប្រយោជន៍រួម ធ្វើឲ្យមានការគាំទ្រ និងលើកទឹកចិត្តលោកមិនដាច់ឡើយលើបណ្ដាញសង្គម។
ងាកទៅមើលបុគ្គលិករួមការងារវិញ ម្ចាស់បុរីរូបនេះ ក៏តែងតែលើកទឹកចិត្តអ្នកក្រោមបង្គាប់រហូត ឲ្យតែដល់ឱកាសពិសេស និងកាដូផ្សេងៗ។ មិនត្រឹមសកម្មភាពធុរកិច្ចឡើយ អ្នកឧកញ៉ា ហេង បូរិន ក៏មានតែងសិក្សា និងរកអ្វីថ្មីមកជួយឲ្យមានការរីកចម្រើនដល់សង្គម។
គួរបញ្ជាក់ថាឧកញ៉ារូបនេះ គឺជាប្រធានក្រុមប្រឹក្សាភិបាល និងជាអគ្គនាយកបុរី ហេង បូរិន គ្រុប បានមានប្រសាសន៍ថា បុរីរបស់លោក គឺផ្ដោតទៅលើគុណភាពសំណង់ជាចម្បង កេរ្តិ៍ឈ្មោះ និងកិត្តិយស ដើម្បីធ្វើឲ្យអតិថិជនទទួលបានការគោរពស្រលាញ់នៅពេលទិញផ្ទះពីបុរី ជាពិសេសរស់នៅប្រកបដោយគុណភាព។
អ្នកជំនួញផ្នែកជំនួញអចលនទ្រព្យរូបនេះមានទាំងអាជីវកម្មផ្ទះល្វែង រួមទាំងមានក្រុមហ៊ុន បុត្រសម្ព័ន្ធមួយចំនួនផ្សេងទៀត។ ត្បិតតែមានឋានៈតួនាទីធំ តែម្ចាស់បុរី រូបនេះ ជាមនុស្សសាមញ្ញ ដាក់ខ្លួនចូលក្នុងចំណោមមនុស្សទូទៅ មិនប្រកាន់ឫកពាជាអ្នកមានឡើយ៕
