លោកស្រី ឡេង ដាវី ត្រូវបានសភាពាណិជ្ជកម្មកម្ពុជា ២០២៥ ប្រកាសព័ត៌មានអំពីសមាជិកថ្មីរបស់សភាពាណិជ្ជកម្មកម្ពុជាក្នុងឆ្នាំ ២០២៥ នៅមុននេះបន្តិចពីបណ្ដាញសង្គមរបស់សភាពាណិជ្ជកម្មផ្ទាល់។
Million Times 
ការដែលក្លាយជាសមាជិកថ្មីរបស់សភាពាណិជ្ជកម្មកម្ពុជាក្នុងឆ្នាំ ២០២៥ នេះ នាយកប្រតិបត្តិក្រុមហ៊ុន ឫទ្ធី ២ ធ្នូ អ៊ិនវេសម៉ិន ឯ.ក ទទួលបានការស្វាគមន៍យ៉ាងកក់ក្ដៅ។
សភាពាណិជ្ជកម្មបានទទួលរាក់ទាក់សមាជិកថ្មីរូបនេះ ដោយសរសេររៀបរាប់ថា “សេចក្តីប្រកាសព័ត៌មានអំពីសមាជិកថ្មីរបស់សភាពាណិជ្ជកម្មកម្ពុជាក្នុងឆ្នាំ “២០២៥” សភាពាណិជ្ជកម្មកម្ពុជា មានកិត្តិយស សូមស្វាគមន៍យ៉ាងកក់ក្តៅចំពោះវត្តមាន សមាជិកថ្មី គឺ អ្នកនាង ឡេង ដាវី នាយកប្រតិបត្តិក្រុមហ៊ុន ឫទ្ធី ២ ធ្នូ អ៊ិនវេសម៉ិន ឯ.ក”។
លោកស្រី ឡេង ដាវី កូនស្រីឧកញ៉ា ឡេង ឬទ្ធី និងជាអ្នកជួយមើលការខុសត្រូវជំនួញថ្មអាររបស់ក្រុមហ៊ុន Rithy Granite Cambodia ព្រមទាំងជាអនុប្រធានសមាគមថ្មអារកម្ពុជា។ ដ្បិតតែវ័យក្មេង តែសហគ្រិនស្ត្រីរូបនេះ បានប្រឡូកការងារតូចធំៗច្រើនរាប់មិនអស់ ថែមទាំងជាតំណាងកម្ពុជាចូលរួមក្នុងការតាំងពិព័រណ៍នៅបរទេសបង្ហាញពីផលិតផលថ្មអារកម្ពុជា លើឆាកអន្តរជាតិ។
ថ្មីៗនេះលោកស្រី ឡេង ដាវី បានបើកផ្លូវឲ្យក្រុមហ៊ុនចិន ចូលជួបពិភាក្សាជាមួយក្រុមប្រឹក្សាអភិវឌ្ឍន៍កម្ពុជា CDC អំពីការចុះបញ្ជីបណ្តាក់ទុនវិនិយោគលើការកែច្នៃថ្មម៉ាប និងផលិតថ្មម៉ាបសិប្បនិម្មិតនៅកម្ពុជា ដើម្បីនាំចេញទៅកាន់ទីផ្សារអន្តរជាតិ៕
រូបភាព៖មេរ៉ា,រូបភាព៖ សភាពាណិជ្ជកម្មកម្ពុជា និង Rithy Granite Cambodia