កូនប្រុសសេដ្ឋី អ៊ឹង ប៊ុនហ៊ូវ ក្រោយចប់កម្មវិធី Proposal សុំគូស្នេហ៍រៀបការ ដែលជាបុត្រីសម្ដេចក្រុមព្រះ នរោត្តម ច័ក្រពង្ស់ គឺព្រះអង្គម្ចាស់ក្សត្រី នរោត្តម ពង្សសូរិយា អ្នកទាំង ២ បាននាំធ្វើដំណើរទៅប្រទេសចិន។
Million Times 
ក្នុងដំណើរទៅកាន់សាធារណរដ្ឋប្រជាមានិតចិន លោក អ៊ឹង ស៊ីវឈន់ CEO រូបសង្ហាក្រុមហ៊ុន ដូនពេញ ត្រេឌីង ឯ.ក ព្រមទាំងក្រុមព្រះ នរោត្តម ច័ក្រពង្ស់ និងព្រះអង្គម្ចាស់ក្សត្រី នរោត្តម ពង្សសូរិយា បានធ្វើដំណើរកម្សាន្តនៅកន្លែង និងទទួលទានអាហារមុននឹងទទួលបានការប្រោសប្រទានឲ្យចូលគាល់ សម្តេចព្រះមហាក្សត្រី នរោត្តម មុនិនាថ សីហនុ នាព្រះរាជដំណាក់ទីក្រុងប៉េកាំង។
ជាកិត្តិយសពន់ពេក អ៊ឹង ស៊ីវឈន់ CEO របស់ក្រុមហ៊ុនទឹកទឹកសុទ្ធប្រូវីដា បានសម្ដែងក្ដីសោមនស្សរីករាយ ព្រមទាំងចែករំលែករូបថតជាមួយសម្តេចព្រះមហាក្សត្រី នរោត្តម មុនិនាថ សីហនុ “ទូលព្រះបង្គំ និងម្ចាស់អូន ពង្ស់សូរិយា ជាគូដណ្តឹង ទទួលបានព្រះបរមរាជានុញ្ញាតចូលក្រាបបង្គំគាល់សម្ដេចហ្លួងយាយ សម្តេចព្រះមហាក្សត្រីជាទីគោរពសក្ការៈដ៏ខ្ពង់ខ្ពស់បំផុត នាព្រះរាជដំណាក់ ក្រុងប៉េកាំង សាធារណរដ្ឋប្រជាមានិតចិន“។
គួរបញ្ជាក់ថា កាលពីព្រឹកថ្ងៃចន្ទ ទី៣ ខែមីនា ឆ្នាំ ២០២៥ កន្លងទៅនេះ ព្រះករុណាជាអម្ចាស់ជីវិតលើត្បូងព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្ដេចព្រះមហាក្សត្រី នរោត្តម មុនីនាថ ស៊ីហនុ ព្រះវររាជមាតាជាតិខ្មែរ ជាទីគោរពសក្ការដ៏ខ្ពង់ខ្ពស់បំផុត ស្ដេចយាងបំពេញព្រះរាជទស្សនកិច្ចនៅសាធារណរដ្ឋប្រជាមានិតចិន។
ចំណែកកូនប្រុសទី៣ របស់ប្រធានអគ្គនាយកក្រុមហ៊ុន អាយអិនជី ហូលឌីង (ING Holdings) លោក អ៊ឹង ស៊ីវឈន់ បានបង្ហាញរូបភាពនៅប្រទេសចិនកាលពីថ្ងៃ ១៥ ខែមីនា។
បើនិយាយ អ៊ឹង ស៊ីវឈន់ ត្រូវបានក្រុមគ្រួសារបញ្ជូនទៅរៀននៅអង់គ្លេសតាំងពីអាយុ ៣ ឆ្នាំ។ ទើបមានវ័យ ២៥ ឆ្នាំ តែលោកបានកាន់កាប់ជំនួញ ៥ ក្នុងដៃ។ ក្នុងនោះមានដូចជា ធនាគារដូនពេញ Specialized Bank, ក្រុមហ៊ុនធានារ៉ាប់រង People & Partners ភោជនដ្ឋានអាហារជប៉ុន Hana Omakase, ក្រុមហ៊ុនគ្រឿងវិស្វកម្ម និងម៉ាស៊ីន ហើយចុងក្រោយគឺជាអគ្គនាយក ទឹកស្ព្រីងប្រូវីដា៕
អត្ថបទ៖ មេរ៉ា, រូបភាព៖ Seav Chhuon Ing