កូនស្រីច្បងមហាសេដ្ឋី គិត ម៉េង ក៏កំពុងបង្ហាញមុខនៅតាមកម្មវិធីតូចធំរបស់ក្រុមហ៊ុនឪពុកផងដែរ ហើយជានិច្ចកាល គិត ស៊ូរៀរង្សី ក៏បានបង្ហាញពីសមត្ថភាព ក្នុងការជួយដោះស្រាយបញ្ហា ក៏ដូចជាលការងារមួយចំនួនរបស់គ្រួសារ។
Million Times 
ព្រោះតែកូនស្រីជាទីស្រលាញ់ ចេះជួយទុក្ខធុរៈឪពុកម្ដាយបែបនេះហើយ ធ្វើឲ្យប្រធានក្រុមប្រឹក្សាភិបាល និងអគ្គនាយកប្រតិបត្តិក្រុមហ៊ុន រ៉ូយ៉ាល់ គ្រុប តែងពោលសរសើរ និងភ្ជាប់មកជាមួយរូបភាពកញ្ញាជារឿយៗ។ ក្នុងនោះសេដ្ឋី គិត ម៉េង បានរៀបរាប់ថា “ក្នុងចិត្តខ្ញុំពោរពេញទៅដោយមោទនភាព ពីព្រោះកូនស្រីច្បងរបស់យើងកាន់តែធំហើយកាន់តែឆ្លាត អាចសម្រួល ការងារប៉ាម៉ាក់បានជាច្រើន”។
ជានិច្ចកាលប្រធានក្រុមប្រឹក្សាភិបាល និងអគ្គនាយកប្រតិបត្តិក្រុមហ៊ុន រ៉ូយ៉ាល់ គ្រុប តែងតែបង្ហាញពីសកម្មភាពរបស់កូនៗ ក្នុងនោះ គិត សូឡា ដែលជាកូនប្រុសច្បងនៃគ្រួសារ ត្រូវបានយកតាមជាប់ ដើម្បីឲ្យរៀនស្វែងយល់ពីមុខជំនួញរបស់គ្រួសារ រហូតដល់ពេលនេះ គិត ស៊ូឡា ត្រូវបានតែងតាំងជានាយកគ្រប់គ្រងផ្នែកប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ និងទទួលបានគោរមងារជា ឧកញ៉ា។
ប្រមាណជា ១ ឆ្នាំនេះ មហាសេដ្ឋី គិត ម៉េង និងភរិយា ក៏បាននាំកូនស្រីច្បង និងកូនស្រីបន្ទាប់ពៅ ទៅកម្មវិធីតូចធំដែរ ដើម្បីឲ្យក្មេងស្រីទាំង ២ រៀនមើលមុខជំនួញផ្សេងៗ ក៏ដូចជាណែនាំឲ្យដៃគូក្នុងមុខជំនួញបានស្គាល់ដូចគ្នាដែរ។
ក្នុងវ័យ ១៨ ឆ្នាំ គិត ស៊ូរៀរង្សី បានជួយដល់ការងារម្ដាយជាច្រើនកន្លងមកហើយ ទាំងក្នុងក្រុមហ៊ុន រ៉ូយ៉ាល់ គ្រុប និងការងារនៅសមាគមសិល្បករខ្មែរ។ នេះបើយោងតាមការបង្ហោះលើបណ្ដាញសង្គមទំនាក់ទំនងរបស់សេដ្ឋី គិត ម៉េង។
គិត ស៊ូរៀរង្សី ជាកូនស្រីច្បងសុភាព មានភាពទន់ភ្លន់ ញញឹមញញែមជាប់ជានិច្ច។ ការសម្លៀកពាក់វិញ រង្សី ចូលចិត្តប្រើប្រាស់សម្លៀកបំពាក់ប្រេនៗ តែមិនស៊ិចស៊ីឡើយ៕
អត្ថបទ៖ មេរ៉ា,រូបភាព៖ Neak Oknha Kith Meng