កញ្ញា ហោ សុនីតា ដែលជាកូនស្រីពៅរបស់ហាងកាត់ដេរ និងសំអាងការ ប៉ារ៉ាឌី ដែលមានកេរ្តិ៍ឈ្មោះបោះសំឡេងជិត ២០ ឆ្នាំហើយនោះ ទើបតែភ្ជាប់ពាក្យជាមួយកំលោះសង្ហាភ្នែកតឹងៗដូចកូនកាត់ចិន ឌួង សុភភ្រ្ភ័ កាលពីពេលថ្មីៗកន្លងទៅនេះ។
Million Times 
កម្មវិធីដ៏ធំ ដែលប្រមូលផ្ដុំទៅដោយអ្នកមានមុខមាត់ក្នុងសង្គម បានព្រឹប្រឹត្តទៅកាលពីថ្ងៃ ២៧ ខែកុម្ភៈ ឆ្នាំ ២០២៥។ ហោ សុនីតា មិនត្រឹមតែជាថៅកែហាងឡើយ កញ្ញាក៏មានជំនាញជាអ្នកច្នៃម៉ូដប្រចាំហាងម្ដាយរបស់ខ្លួនផងដែរ។
លោកស្រី ហាក់ វណ្ណាត ម្ចាស់ហាងសំអាងការប៉ារ៉ាឌី និងស្វាមី លោក ហោ អេងលី បានរៀបចំកម្មវិធីសិរីមង្គលពិធីពិសាស្លាដក់កន្សែងឲ្យបុត្រាបុត្រីគឺកូនកំលោះ ឌួង សុភភ្រ្ភ័ និងកូនក្រមុំ ហោ សុនីតា តាមទំនៀមទម្លាប់ប្រពៃណីខ្មែរយ៉ាងអធិកអធម កាលពីថ្ងៃចុងខែកុម្ភៈ ឆ្នាំ ២០២៥។
សម្រស់កូនស្រីពៅថៅកែហាង ប៉ារ៉ាឌី ពិតជាស្រស់ស្អាត រាងតូចស្រឡឹងសមនឹងសម្លៀកបំពាក់ប្រពៃណីគ្រប់ឈុតតែម្ដង។ ម្យ៉ាងជាកូនស្រីថៅកែសំងាងការ និងជាខ្លួនជាអ្នកច្នៃម៉ូដទៀតនោះ មួយឈុតៗប្រណិតខ្លាំង។
ពិធី ពិសាស្លាដក់កន្សែងរបស់កូនស្រីថៅកែហាងកាត់ដេរ និងសំអាងការដ៏ល្បីរូបនេះ ពិតជារៀបចំតុបតែងលម្អយ៉ាងប្រណិត ទាំងផ្កា ទាំងផ្លែឈើ និងផ្កាស្អាត និងគួរជាទីគាប់ចិត្តអនាគតគូស្វាមីភរិយាគូនោះ។ គួរបញ្ជាក់ផងដែរថា ហោ សុនីតា ក៏បាន design ឈុតសម្រាប់ថ្ងៃកម្មវិធីពិសេសខ្លួនដែរ៕
អត្ថបទ៖ មេរ៉ា, រូបភាព៖ The ring wedding cambodia និង Dream Event Decoration