កូនស្រីពៅអតីតអគ្គស្នងការនគរបាលជាតិលោក នេត សាវឿន ក៏បានបង្ហាញខ្លួននៅក្នុងព្រឹត្តិការណ៍ Bvlgari កាលពីសប្ដាហ៍មុនជាមួយអ្នកស្រី ហ៊ុន គឹមឡេង ជាម្ដាយ។ ការបង្ហាញវត្តមានចូលរួមក្នុងកម្មវិធីធំលំដាប់ពិភពលោកដែលមកធ្វើនៅខ្មែរ គ្រួសារអភិជននេះ រៀបចំខ្លួនមិនឲ្យទាស់កន្លែងណាឡើយ។
Million Times 
សម្រាប់រ៉ូបកញ្ញា នេត ធីតាជិនី ដែលកូនស្រីពៅលោក នេត សាវឿន និងលោកស្រី ហ៊ុន គឹមឡេងភរិយា ថ្ងៃ Bvlgari Aeterna Angkor Thom High Jewelry បានជ្រើសរើសឈុតរបស់ម៉ាក Elie Saab ក្នុងតម្លៃខ្ទង់ ៧ ១០០ ទៅ ៨ ៥០០ ដុល្លារ ពណ៌ខ្មៅ និងមានប៉ាក់ផ្កាផុសយ៉ាងស្រស់ស្អាតទាំងទ្វេ។
ងាកទៅមើលគ្រឿងអលង្ការរបស់លោកស្រី ហ៊ុន គឹមឡេង លោកស្រីបានពាក់ខ្សែកពស់ Bvlgari Bvlgari Serpenti high Jewelry Necklace តម្លៃ ៥០០ ០០០ ដុល្លារ, ក្រវិល Bvlgari Serpenti high Jewelry Earrings ១៥០ ០០០ ដុល្លារ និងរ៉ូប Embroidered Strapless Gown តម្លៃ ៧ ១៥០ ដុល្លារ។ រីឯកូនស្រីវ័យ ២៣ ឆ្នាំក៏បានគ្រងរ៉ូបរបស់ប្រេន Elie Saab របស់ម៉ូដកំពូលនៃប្រទេសលីបង់ដែរ ដោយជាប្រភេទរ៉ូបខ្មៅចោមពុងតម្លៃ ៨ ៥៥៥ ដុល្លារ។
ទោះជាទើបរៀបមង្គលការកូនស្រី ក៏ពិតមែន តែលោកស្រី ហ៊ុន គឹមឡេង មិនបានថមថយកម្លាំងឡើយ មើលទៅនៅតែស្រស់ដដែល។ ងាកមកមើលកញ្ញា ធីតាជិនី វិញ ស្ថិតក្នុងវ័យពេញស្អាត សម្បុរស្បែកថ្លា ភ្លឺរលោង រូបរាងល្មម សមនឹងឈុតប្រណីតដែលជាប្រេនល្បីលំដាប់ពិភពលោក។
រូបភាពដ៏ស្និទ្ធស្នាល កក់ក្ដៅរបស់ម្ដាយកូនអ្នកទាំង ២ ពិតជាគួរឲ្យគោរពស្រលាញ់ ហើយតែងតែមានស្នាមញញឹមលើផ្ទៃមុខជាប់ជានិច្ច៕
អត្ថបទ៖ មេរ៉ា, រូបភាព៖ The ring wedding cambodi