ថៅកែ skincare Luxury វ័យក្មេងអ្នកនាង ឡូវ ស្រីពៅ ដែលគេស្គាល់ថាជាកូនស្រីសេដ្ឋី ឡូវ ហ៊ឹង បានរៀបចំកម្មវិធីចេញខែកូនស្រីដ៏គួរឲ្យស្រលាញ់ ពៅ មុន្នីពេជ្រ ហៅ Arren អាយុ ១ខែ។
Million Times 
កម្មវិធីរបស់ត្រកូលសេដ្ឋីរូបនេះ ធ្វើឡើងលក្ខណៈគ្រួសារ និងមិត្តជិតស្និទ្ធប៉ុណ្ណោះ។ អ្វីដែលគួរឲ្យចាប់អារម្មណ៍គឺ សេដ្ឋី ឡូវ ហ៊ឹង និងភរិយា ព្រមទាំងក្រុមគ្រួសារ មានកាដូកួចដៃទាំងគ្រឿងមាស និងគ្រឿងពេជ្រ ដ៏មានតម្លៃជាច្រើនក្នុងប្រអប់ធំ។
ម្ចាស់ប្រេន Luxury ដ្បិតតែមានវ័យក្មេងក៏ពិតមែន តែជំនួញទទួលបានជោគជ័យសម្បើម ព្រោះជាកូនស្រីពាណិជ្ជករជើងចាស់ស្រាប់ និងធ្លាប់បានជួយកិច្ចការងាររកស៊ីរបស់ឪពុកខ្លួនគឺសេដ្ឋី ឡូវ ហ៊ឹង ដែលជាទីប្រឹក្សាសម្ដេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ។
ទោះជាកម្មវិធីចេញខែកូនស្រីអ្នកនាង ឡូវ ស្រីពៅ មិនសូវអញ្ជើញភ្ញៀវច្រើន ប៉ុន្តែការរៀបចំតុបតែង ធ្វើឡើងយ៉ាងប្រណិត ទាំងឆាក ទាំងរោង សុទ្ធតែផ្កាស្រស់ទាំងអស់ ពិសេសម្ហូបអាហារ។ មិនតែប៉ុណ្ណោះកូនស្រីពៅរបស់ សេដ្ឋី ឡូវ ហ៊ឹង បានពាក់គ្រឿងពេជ្រជាច្រើនឈុត ដែលសុទ្ធសឹងជាប្រេនល្បីលំដាប់ពិភពលោក Bvlgari។
អ្នកនាង ឡូវ ស្រីពៅ ទើបសម្រាកកូនបាន ១ ខែក៏ពិតមែន ប៉ុន្តែរូបសម្រស់មិនបានថមថយឡើយ។ ក្នុងថ្ងៃបង្កក់កូនថៅកែប្រេន Luxury បានជ្រើសរើសឈុតពណ៌ផ្កាឈូកនៃប្រេន cherz brand ដ៏សែនស្រគត់ស្រគំថ្លៃថ្នូរខ្លាំង ស័ក្ដិសមជាត្រកូលអ្នកអភិជន សម្រាប់កម្មវិធីពេលព្រឹក៕
អត្ថបទ៖ មេរ៉ា, រូបភាព៖ The ring wedding cambodia និង Anaza Wedding Cambodia