យុវតី យឹម លីនដា ដែលគេស្គាល់យ៉ាងច្បាស់ថាជាចៅស្រី លោក ជា សុផារ៉ា មន្ត្រីធំម្នាក់របស់រាជរដ្ឋាភិបាលខ្មែរ ពេលតុបតែងខ្លួនម្ដងៗផ្អើលពិភពអ៊ីនធឺណេត។ ពេលចូលរួមកម្មវិធីធំៗដូចជាមង្គលការសាច់ញាតិ និងមង្គលការត្រកូលអភិជនដូចគ្នានោះ លីនដា វ័យ ១៥ ឆ្នាំ បានឆក់យកការចាប់អារម្មណ៍មហាជន។
Million Times 
ដ្បិតតែនៅវ័យក្មេងក៏ពិតមែន តែចៅស្រីលោក ជា សុផារ៉ា រូបនេះជាមានរូបសម្រស់ស្រស់ស្អាតខ្លាំង ហើយពេលឈរជិតតារាលំដាប់ពិភពលោក ម៉ៃ ដាវីកា នាងមានភាពទាក់ទាញ ស្រូបយកការចាប់អារម្មណ៍មនុស្សរាល់គ្នា។ លីនដា និងគ្រួសារ បានចូលរួមកម្មវិធីដ៏ធំប្រចាំឆ្នាំរបស់ Brand Bvlgari ព្រមជាមួយថ្នាក់ដឹកនាំ និងភរិយាថ្នាក់ដឹកនាំតាមស្ថាប័នធំៗដទៃទៀត។
លីនដា បានជ្រើសរើសអាវដែលមានម៉ូដឆ្លាក់បែបបុរាណខ្មែរ ស្នាដៃលោកគ្រូ ស៊ុំ សុីនឿម សិល្បៈចម្លាក់លោហៈ។ ចំណែកមានលោក លឹម ស្រេង ជាអ្នកមានទស្សនៈនៅពីក្រោយការស្លៀកពាក់ដ៏គួរឲ្យភ្ញាក់ផ្អើលរបស់កញ្ញា លីនដា នាំឲ្យសិល្បៈរបស់លោករស់នៅដោយភាពប្រណិត។ នៅក្នុងឈុតពណ៌ទឹកមាសរំលេចក្បាច់ខ្មែរ ព្រមទាំងគ្រឿងអលង្ការលម្អខ្លួនសុទ្ធសឹងជាប្រេន Bvlgari ដែលយុវតីរូបនេះពាក់មានតម្លៃរាប់សែនដុល្លារឯណោះ។
រូបសម្រស់ស្អាតបែបស្រគត់ស្រគំថ្លៃថ្នូរ ជាមួយគ្រឿងអលង្ការប្រណិតៗពេញខ្លួន លីនដា តំណាង ពិតនៃភាពឆើតឆាយ និងកិត្តិយស។
គួរបញ្ជាក់ថា យឹម លីនដា ជាកូនស្រីពៅលោក យឹម លាង ឧត្ដមសេនីយ៍ឯក ដែលជាកូនប្រុស ឧត្តមប្រឹក្សាផ្ទាល់ព្រះមហាក្សត្រ យឹម ឆៃលី ហើយម្ដាយមានឈ្មោះ ជា សុផាម៉ាដែន ដែលជាកូនស្រីច្បងលោក ជា សុផារ៉ា មន្រ្តីជាន់ខ្ពស់លេចធ្លោមួយរូបនៅក្នុងជួររាជរដ្ឋាភិបាល និងថ្នាក់ដឹកនាំគណបក្សប្រជាជនកម្ពុជា៕
រូបភាព៖ Rolin Miss PhotoCity និងអ៊ីនធឺណេត