សម្ដេច ហ៊ុន សែន ប្រធានក្រុមឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា បានអបអរសាទរដល់កូនស្រីលោក ហ៊ុន គឹមជាតិ ទទួលបានបរិញ្ញាបត្រសិល្បៈ ជំនាញទំនាក់ទំនងអន្តរជាតិ និងនយោបាយពីសាកលវិទ្យាល័យ Deakin university Melbourne ប្រទេសអូស្រ្តាលី។
Million Times 
ថ្ងៃទទួលសញ្ញាបត្ររបស់កូនស្រីលើទឹកដីអូស្ត្រាលី លោក ហ៊ុន គឹមជាតិ និងគ្រួសារបានទៅចូលរួមអបអរសាទរផ្ទាល់។ ចំណែកសម្ដេច ហ៊ុន សែន បានផ្ញើសារ ដល់ចៅស្រីក្នុង group ឆាតនៃក្រុមគ្រួសារត្រកូល ហ៊ុន។ ក្រៅពីសម្ដេចហើយនោះ កូនៗរបស់សម្ដេចដទៃទៀត ក៏បានអបអរដល់កូនស្រីរបស់លោក ហ៊ុន គឹមជាតិ ដូចគ្នាដែរ។
សម្ដេច ហ៊ុន សែន គឺជាជីតាដែលស្រលាញ់ចៅៗខ្លាំង ជានិច្ចកាលសកម្មភាពរបស់លោកផ្ដល់ភាពកក់ក្ដៅ និងលេងកម្សាន្តជាមួយគ្រប់គ្នា។ មិនតែប៉ុណ្ណោះលោកតែងតែមានការជួបជុំ ដែលបានឲ្យកូនចៅ ក្មួយគ្រប់គ្នាមកទទួលទានអាហារ និងជជែកគ្នា ដើម្បីឲ្យទំនាក់ទំនងសាច់ញាតិកាន់តែស្អិតល្មួតកាន់តែខ្លាំង។
នៅពេលកូនចៅណាម្នាក់ទទួលបានសមិទ្ធផលផ្សេងៗមិនថាការងារ និងការសិក្សា សម្ដេចមិនដែលខកខានក្នុងការលើកទឹកចិត្តឡើយ៕
អត្ថបទ៖ មេរ៉ា៖ រូបភាព៖ Kimcheat Hun