ប្រធានាធិបតី Joe Biden ផ្តល់មេដាយសេរីភាពប្រធានាធិបតី (Presidential Medal of Freedom) ដល់បុគ្គលមានឈ្មោះល្បីល្បាញបំផុតនៅក្នុងឆាកនយោបាយ កីឡា កម្សាន្ត សិទ្ធិមនុស្ស ការតស៊ូមតិ និងវិទ្យាសាស្រ្ត ដែលប្រារព្ធឡើងក្នុងបន្ទប់ខាងកើតនៃសេតវិមាន កាលពីរសៀលថ្ងៃសៅរ៍។
Presidential Medal of Freedom ជាមេដាយកិត្តិយសដែលបង្កើតឡើងតាំងពីឆ្នាំ១៩៦៣មក សម្រាប់ផ្តល់ជូនទៅឲ្យជនស៊ីវិលអាមេរិករូបណាដែលបង្កើតភាពលេចធ្លោជាងគេបំផុត។
Million Times 
លោកស្រី Hillary Clinton
អតីតរដ្ឋមន្ត្រីការបរទេសលោកស្រី Hillary Clinton, អ្នកប្រជាធិបតេយ្យលោក George Soros និងលោក Denzel Washington ដែលជាអ្នកដឹកនាំសម្តែង ត្រូវបានលោក Biden ប្រធានាធិបតីផុតអាណត្តិផ្តល់មេដាយកិត្តិយសខ្ពស់បំផុតសម្រាប់ជនស៊ីវិលអាមេរិក។ នេះបើតាមការចុះផ្សាយដោយ BBC ។
លោក Joe Biden បានថ្លែងថា៖ «សម្រាប់ពេលវេលាចុងក្រោយក្នុងនាមជាប្រធានាធិបតី ខ្ញុំមានកិត្តិយសប្រគល់មេដាយសេរីភាព ដែលជាកិត្តិយសជនស៊ីវិលខ្ពស់បំផុតរបស់ប្រទេសយើង លើក្រុមមនុស្សអស្ចារ្យដែលបានលះបង់ការខិតខំប្រឹងប្រែងដ៏ពិសិដ្ឋរបស់ពួកគេ ដើម្បីរៀបចំវប្បធម៌ និងបុព្វហេតុរបស់អាមេរិក»។
ក្រៅពីឥស្សរជនល្បីៗខាងលើ មេដាយចំនួន ៤ទៀតត្រូវបានផ្តល់ទៅលោក George W. Romney អភិបាលរដ្ឋ Michigan និងជាលេខាផ្នែកអភិវឌ្ឍន៍លំនៅដ្ឋាន និងទីក្រុង,អតីតអគ្គមេធាវី និងព្រឹទ្ធសភា លោក Robert F. Kennedy, លោក Ash Carter អតីតលេខាធិការការពារជាតិ និងលោកស្រី Fannie Lou Hamer ដែលបានបង្កើតគណបក្ស Mississippi Freedom Democratic Party ។
គួររំលឹកថា អតីតប្រធានាធិបតីអាមេរិកលោក Barack Obama ក្នុងឆ្នាំ២០១៧ ក៏ធ្លាប់ផ្តល់មេដាយនេះដល់ប្រធានាធិបតីអាមេរិក Joe Biden ផងដែរ៕
លោក Alex Soros ក្នុងនាមឪពុករបស់គាត់លោក George Soros
អ្នកដឹកនាំ ផលិតករ និងតារាសម្តែង Denzel Washington