លោកស្រី លឹម សុខចេង ដែលគេស្គាល់ច្បាស់ថាជាថៅកែស្រីហាងលក់សម្លៀកបំពាក់ លីម ហុង ដ៏ល្បីរាប់សិបឆ្នាំមកហើយនោះ មានចំណេះ ជំនាញ ព្រមទាំងការថែទាំរូបសម្រស់បានស្រស់ស្អាតក្មេងដដែល។
Million Times 
ថ្មីៗនេះផងដែរ គ្រួសារថៅកែផ្នែកអាជីវកម្មសម្លៀកបំពាក់ធំប្រចាំរាជធានីភ្នំពេញមួយនេះ ទើបតែក្លាយជាដណ្ដងនឹងមហាសេដ្ឋីប្រចាំស្រុកខ្មែរ អ៊ឹង ប៊ុនហ៊ូវ។ នៅក្នុងផ្នែកជំនួញ លោកស្រី លឹម សុខចេង តែងត្រូវបានគេសរសើរពីភាពឈ្លាសវៃក្នុងការប្រកបអាជីវកម្ម ហើយនិងការថែរក្សាក្រុមគ្រួសារបានយ៉ាងល្អ ជាពិសេសការមើលថែខ្លួនឯងជាពិសេស។
អាជីវកម្មសម្លៀកបំពាក់ លីម ហុង បានពង្រីកខ្លួនបានយ៉ាងច្រើនសាខា មិនថាក្នុងរាជធានីភ្នំពេញ និងបណ្ដាខេត្តឡើយ ហើយក៏ទទួលបានការគាំទ្រខ្លាំងពីសំណាក់អតិថិជន។ ក្រៅពីជំនួញសម្លៀកបំពាក់ នៅមានផ្នែកអចលនទ្រព្យជាច្រើនទៀតផងដែរ ដែលនោះជាស្នាដៃដឹកនាំក្រុមហ៊ុនរបស់លោកស្រី និងស្វាមី គឺឧកញ៉ា ចាប មួយហុង។
ស្រ្តីឆ្លាតវៃក្នុងពិភពជំនួញមានច្រើនហូរហែ តែឆ្លាត ហើយស្អាត និងដឹកនាំជំនួញបានយ៉ាងជោគជ័យមានមិនសូវជាច្រើនឡើយ។ ក្នុងចំណោមស្រ្តីអ្នកជំនួញពូកែទាំងផ្នែកជំនួញ និងមានរូបសម្រស់នៅតែក្មេងជាងវ័យ ក៏មានលោកស្រី លឹម សុខចេង ផងដែរ ដោយក្រឡេកទៅមើលពីរបៀបរៀបចំសម្លៀកបំពាក់ និងរសនិយមក្នុងការតុបតែងខ្លួនដោយរបស់មានតម្លៃ ថៅកែស្រីរូបនេះហាងលក់សម្លៀកបំពាក់ លីម ហុង មើលទៅគឺលំដាប់អ្នកមានពិតៗ។
ព្រោះតែមានហាងលក់សម្លៀកបំពាក់ដែលនាំចូលប្រេនល្បីៗរបស់ពិភពលោកជាច្រើន លោកស្រី សុខចេង តែងតែលេចធ្លោក្នុងឈុតបែបប្រណីតៗ និងស្រោចដោយគ្រឿងពេជ្រភ្លឺចិញ្ច្រាចតែម្ដង។ រាល់ពេលចូលរួមកម្មវិធីមង្គលការ ជប់លៀង ឬខួបកំណើតនៃលំដាប់អភិជនដូចគ្នា ថៅកែស្រីរូបនេះ តែងស្លៀកឈុតរាត្រីសមោសររបស់ប្រេនធំៗដូចជាប្រេន ALEXANDER MCQUEEN, POEM, Bella Galvan ជាដើមដែលមានតម្លៃថ្លែខ្លាំង និងឈុតខ្លះពិបាកក្នុងការរកទិញទៀតផង៕
អត្ថបទ៖ មេរ៉ា, រូបភាព៖ FB Lim Sokcheng