អ្នកជំនួញអនឡាញដ៏ល្បី Ah Pop ដែលក្នុងរង្វង់អ្នកជំនួញស្គាល់ច្បាស់ថា ជាប្អូនស្រី ម៉ាដាម ដា លំដាប់សេដ្ឋីនីនៅស្រុកខ្មែរនោះ បានចេញមកប្រកាសលក់រថយន្តផ្ទាល់ខ្លួន ទើបនឹងទិញប្រហែល ១០ ខតែប៉ុណ្ណោះ។
Million Times 
សៀន សូលក្ខិណា ឬ Ah Pop ដែលជាអ្នកលក់អនឡាញផលិតផលថែរក្សាសម្រស់ ដ៏ល្បីមួយរូបក្នុងចំណោមអ្នកលក់អនឡាញក្នុងស្រុក បានចេញមកបញ្ជាក់ហេតុផលដែលប្រកាសលក់ឡាន BMW i8 2015 ពណ៌ខ្មៅ ក្រោយរថយន្តក្នុងផ្ទះមានច្រើនគ្រឿងពេក ពិបាកក្នុងការចត និងហូរហៀរមកដល់ខាងក្រៅផ្ទះដ៏ធំរបស់នាងថែមទៀតផង។
លក្ខិណា មានរថយន្តជាច្រើនគ្រឿងចតទុកនៅផ្ទះ ដើម្បីប្រើប្រាស់ក្នុងការធ្វើដំណើរប្រចាំថ្ងៃ និងចេញទៅប្រកបរបររកស៊ី។ ដូច្នេះហើយទើបនាងចង់លក់ចេញខ្លះ ដើម្បីកុំឲ្យមានផលវិបាកក្នុងបញ្ហាចំណតរាល់ថ្ងៃ។
អ្នកជំនួញអនឡាញរូបនេះ ពិតជាមិនធម្មតាឡើយ ដោយជីវិតបច្ចុប្បន្នរបស់អ្នកនាងរស់នៅក្នុងផ្ទះធំ ចាយលើភាពហ៊ឺហាលើសម្ភារៈប្រេនៗមិនចាញ់អ្នកលក់អនឡាញធំៗក្នុងស្រុកដទៃឡើយ ព្រោះត្រូវប៉ាន់ក្នុងមុខជំនួញ និងមានទីផ្សារមិនដាច់៕
អត្ថបទ៖ មេរ៉ា, រូបភាព FB Ah Pop