លោក គឹម សុខអេង ត្រូវបានគេស្គាល់ថាជាម្ចាស់បុរី ខេស៊ី (Borey KC) ដែលនៅជិតផ្សារព្រែកព្នៅ ខណ្ឌព្រែកព្នៅ និងជាអ្នកអភិវឌ្ឍន៍លំនៅឋានបែបទំនើប និងទាន់សម័យ KK The Residence 598 ផ្លូវជាសុផារ៉ា កាលពីពេលថ្មីៗនេះទើបទទួលបានសញ្ញាបត្របណ្ឌិតពីបរទេសលើផ្នែកដឹកនាំធុរកិច្ច។
សាកលវិទ្យាល័យ Malaysia – South India បានប្រគល់សញ្ញាបត្របណ្ឌិតកិត្តិយសផ្នែកធុរកិច្ច ជូនដល់សាស្ត្រាចារ្យ Dato Sri Dr គឹម សុខអេង។ ពិធីប្រគល់ធ្វើឡើងនៅប្រទេសសិង្ហបុរី។
Million Times 
មិនត្រឹមតែជាម្ចាស់បុរី KC ប៉ុណ្ណោះទេ សេដ្ឋីវ័យក្មេង គឹម សុខអេង ក៏មានអាជីវកម្មជាច្រើនទៀតដែរនៅក្នុងដៃ ដូចជាអគ្គនាយក Eng Design & Construction, ស្ថាបនិកក្លិបហាត់ប្រាណ បឹងកេងកង និងជាសហស្ថាបនិកក្រុមហ៊ុនពុះដីឡូត៍ នៅខេត្តកោះកុងផងដែរ។
ថ្មីៗនេះម្ចាស់បុរី KC ក៏បានចូលរួមការងារសង្គមច្រើនថែមមួយកម្រិតទៀត ដែលនេះក៏ជាគំរូមួយដ៏ល្អផងដែរ។ លោក សុខអេង ក៏សមាជិកសមាគមឧកញ៉ាកម្ពុជា សមាជិកសមាគមសហគ្រិនវ័យក្មេងកម្ពុជា និងសមាជិកសមាគមអភិវឌ្ឍន៍លំនៅដ្ឋានកម្ពុជា។
គួរបញ្ជាក់ថា កាលពីឆ្នាំ ២០២៣ នៅថ្ងៃទី០៦ ខែកក្កដា លោក គឹម សុខអេង ទទួលបានគោរមងារឧកញ៉ា និងទទួលបានគោរមងារ «អ្នកឧកញ៉ា» ថ្ងៃទី១៥ ខែសីហា ឆ្នាំ២០២៣ តាមរយៈព្រះរាជក្រឹត្យលេខ នស/រកត/០៨២៣/១៨៧៤៕
អត្ថបទ៖ មេរ៉ា, រូបភាព៖ FB KIM SOK ENG