កម្មវិធីមង្គលការកូនអភិជន គឺម្ចាស់បុរី ហាយធិក អ្នកជំនួញល្បីល្បាញជិត២ ទសវត្សរ៍ លាង សាំង និងលោកស្រី ខ្លឹង ផល្លី ក៏ល្បីកក្រើកមិនធម្មតាដែរ។
Million Times 
កូនកំលោះមានឈ្មោះថា លាង វិនឡុង និងកូនក្រមុំឈ្មោះ នៃ ច័ន្ទវិសាល ជាគូស្វាមីភរិយាវ័យក្មេងថ្មីថ្មោង និងស្រស់ស្អាត សង្ហាសមគ្នាទាំងរូបសម្ផស្ស និងឋានៈមុខមាត់ក្នុងសង្គម ព្រមទាំងចំណេះដឹង។
ក្នុងពិធីដ៏ឱឡារិកនោះ ក៏មានវត្តមានថ្នាក់ដឹកនាំ និងអ្នកជំនួញធំៗដូចគ្នា ដែលផ្ដល់កិត្តិយសចូលរួមអបអរ និងជូនពរជ័យដល់គូស្វាមី ដែលទើបកវែកកឆ្នាំជាគ្រួសារថ្មីនេះ។ ក្នុងកម្មវិធីពេញដោយភាពស្រស់ស្អាត ទាំងកូនកំលោះ-ក្រមុំ និងការតុបតែងក្នុងរោងពោរពេញដោយផ្កាភ្ញីពណ៌ស្រាលស្រទន់ គួរឲ្យគយគន់។
ងាកមកមើលអ្នកដឹកដៃកូនកំលោះវិញ គឺលោកស្រី ឌិត នីតា ដែលជាប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជា និងជាភរិយាលោក សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ហើយអ្នកដឹកដៃកូនក្រមុំឯណោះវិញ ក៏ជាភរិយារដ្ឋមន្ត្រីក្រសួងព័ត៌មាន គឺលោកស្រី ទុយ សិរីរតនៈ។
លោកជំទាវទាំង ២ ពិតជាស័ក្ដិសមជាអ្នកដឹកដៃកូនកំលោះ-ក្រមុំ ក្នុងពិធីមង្គលការខ្លាំងណាស់ ព្រោះជាស្ត្រីពេញបរិបូរដោយសុភមង្គល ជាមនុស្សស្រីមានគ្រួសារពេញលេញ និងជាស្រ្តីពេញដោយមុខមាត់ សេចក្ដីថ្លៃថ្នូរ៕
អត្ថបទ៖ មេរ៉ា, រូបភាព៖ The Ring Wedding Cambodia