រោងចក្រកាត់ដេរសម្លៀកបំពាក់ Adidas ដែលជាយីហោដ៏ល្បីល្បាញរបស់ពិភពលោក នឹងលេចចេញជារូបរាងនាពេលឆាប់ៗខាងមុខនេះ ក្រោមការបណ្ដាក់ទុនវិនិយោគសរុប ៩០ លានដុល្លារ ពីក្រុមហ៊ុន Sunfair Garment Co., Ltd.។
Million Times 
កាលពីព្រឹកថ្ងៃ ១៧ ខែមករា ឆ្នាំ ២០២៥ កន្លងទៅ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា បានចុះពិនិត្យដំណើរការសាងសង់រោងចក្ររបស់ក្រុមហ៊ុន Sunfair Garment Co., Ltd. លើផ្ទៃដីទំហំជាង ៣៣ ហិកតា ស្ថិតនៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប កណ្តាល។
ការបណ្ដាក់ទុនរបស់ក្រុមហ៊ុន Sunfair Garment Co., Ltd. ដែលមកពីប្រទេសចិន សម្រេចចិត្តវិនិយោគបង្កើតរោងចក្រកាត់ដេរសម្លៀកបំពាក់យីហោ Adidas ដើម្បីនាំចេញទៅកាន់បណ្ដាប្រទេសអាស៊ាន អាមេរិក និងសហភាពអឺរ៉ុប។
ក្រុមហ៊ុន Sunfair Garment Co., Ltd. ដែលបណ្ដាក់ទុនវិនិយោគ ៩០ លានដុល្លារតាមរយៈការបង្កើតរោងចក្រកាត់ដេរសម្លៀកបំពាក់ Adidas នៅខេត្តកណ្ដាល អាចបង្កើតការងារប្រមាណ ៤ ០០០ កន្លែង៕
អត្ថបទ៖ មេរ៉ា, រូបភាព៖ ក្រុមប្រឹក្សាអភិវឌ្ឍន៍កម្ពុជា