អ្នកជំនួញដ៏ល្បីឈ្មោះឈរជើងរកស៊ីលើទឹកដីកម្ពុជាជាង ៣០ឆ្នាំ លោកអ្នកឧកញ៉ា ពុង ឃាវសែ ត្រូវបានសារព័ត៌មានដ៏ល្បីប្រចាំប្រទេសជប៉ុន The JapanTimes ចុះផ្សាយពីដំណើរជីវិតលើវិថីសហគ្រិនភាពរបស់លោក។ ទីភ្នាក់ងារព័ត៌មានជប៉ុនមួយនេះបានរាយការណ៍ថា លោកអ្នកឧកញ៉ា ពុង ឃាវសែ បានចាប់ផ្ដើមបោះជំហានលើវិថីសហគ្រិនភាព ក្នុងនាមជាអ្នកជំនួញវ័យក្មេងកាលពីអំឡុងទសវត្សឆ្នាំ១៩៨០ នៅប្រទេសកាណាដា និងទទួលបានជោគជ័យខ្លាំង មុនត្រឡប់មករកស៊ីនៅប្រទេសកំណើតក្នុងឆ្នាំ១៩៩០។ នៅក្នុងឆ្នាំ១៩៩៣ លោកអ្នកឧកញ៉ាបានបង្កើតធនាគារកាណាឌីយ៉ា ដែលបច្ចុប្បន្នគឺជាធនាគារក្នុងស្រុកធំជាងគេនៅកម្ពុជា។ យុទ្ធសាស្ត្របម្រើទីផ្សារដ៏អស្ចារ្យរបស់លោកអ្នកឧកញ៉ា ពុង ឃាវសែ បានជួយឲ្យធនាគារអាចឆ្លងផុតនូវវិបត្តិហិរញ្ញវត្ថុសកលចំនួន ២ និងរួចផុតពីវិបត្តិកូវីដ១៩ ថែមទៀត និងបានបន្តឈរជើងយ៉ាងរឹងមាំក្នុងវិស័យហិរញ្ញវត្ថុនៅកម្ពុជាដល់សព្វថ្ងៃ។ បច្ចុប្បន្ន លោកអ្នកឧកញ៉ា បានបង្កើតអាជីវកម្មច្រើនជាង ១០០កន្លែងនៅប្រទេសកម្ពុជា ដែលសរុបជាទំហំវិនិយោគ គឺមានច្រើនជាង ១៥ពាន់លានដុល្លារ និងបានជួយដល់ការអភិវឌ្ឍន៍កំណើនសេដ្ឋកិច្ចជាតិជាខ្លាំងផងដែរ។ តាមរយៈក្រុមហ៊ុនបុត្រសម្ព័ន្ធ OCIC ក្រុមហ៊ុនមេកាណាឌីយ៉ាគ្រុប បានបន្តវិនិយោគលើពហុវិស័យរួមមាន វិស័យអចលនទ្រព្យ វិស័យអប់រំ វិស័យសុខភាព ហេដ្ឋារចនាសម្ព័ន្ធ និងវិស័យដឹកជញ្ជូនជាដើម។ សមិទ្ធផលធំៗដែលក្រុមហ៊ុនមួយនេះសម្រេចបានរួមមាន គម្រោងកោះពេជ្រ សួនឧស្សាហកម្ម និងគម្រោងអាកាសយានដ្ឋានតេជោអន្តរជាតិ ដែលគ្រោងបញ្ចប់ការសាងសង់ក្នុងឆ្នាំ២០២៥នេះ។ ចំណុចសំខាន់បំផុតមួយដែលជួយឲ្យលោកអ្នកឧកញ៉ា ពុង ឃាវសែ ទទួលបានជោគជ័យដូចសព្វថ្ងៃ...
