Author: Virak វីរៈ (Virak វីរៈ)

នៅព្រឹកថ្ងៃទី៣០ ខែតុលា ឆ្នាំ២០២៤ ក្នុងព្រះរាជពិធីគម្រប់ខួប ២០ព្រះវស្សា នៃការយាងគ្រងព្រះបរមសិរីរាជសម្បត្តិ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះអង្គទ្រង់ពេញព្រះរាជហឫទ័យចំពោះការដឹកនាំរបស់សម្តេច ហ៊ុន ម៉ាណែត នាយករដ្ឋមន្ត្រីដែលបន្តនូវយុទ្ធសាស្ត្របញ្ចកោណ គោលនយោបាយដ៏ត្រឹមត្រូវ និងមរតកនយោបាយរបស់សម្តេច ហ៊ុន សែន។ ព្រះមហាក្សត្រ មានព្រះរាជបន្ទូលបញ្ជាក់នៅក្នុងរយៈពេលកន្លងមក មាតុភូមិកម្ពុជា និងប្រជាពលរដ្ឋមានការប្រែប្រួលមុខមាត់ថ្មីគួរឱ្យកោតសរសើរ សម្តេច ហ៊ុន ម៉ាណែត ជាប្រមុខដឹកនាំរាជរដ្ឋាភិបាលដ៏ឆ្លាតវៃ បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ និងគោលនយោបាយដ៏ត្រឹមត្រូវ ក្នុងការប្រតិបត្តិតាមមាគ៌ាដ៏ល្អប្រពៃ និងមរតកនយោបាយដ៏ថ្លៃថ្លា របស់សម្តេច ហ៊ុន សែន បាននាំមកនូវសុខសន្តិភាព សាមគ្គីភាព ឯកភាពជាតិ កិត្យានុភាពជាតិ ល្បីរន្ទឺលើឆាកអន្តរជាតិ ស្របតាមគោលមាគ៌ា បង្រួបបម្រួមជាតិ ផ្សះផ្សាជាតិ ពីព្រះរាជបណ្តាំបន្ថែមចុងក្រោយ របស់ព្រះករុណា ព្រះបរមរតនកោដ្ឋនៅក្នុងឆ្នាំ២០១១។ ព្រះមហាក្សត្រ ទ្រង់មានព្រះរាជបន្ទូលថា៖ «យើងកំពុងតែសប្បាយរីករាយ និងទទួលផលជាវិជ្ជមាន ដោយផ្តើមចេញពីកម្លាំងកសាង និងការពារជាតិ មាតុភូមិ ប្រកបដោយសុខដុមរមនា របស់ជនរួមជាតិយើង»។ ក្នុងឱកាសនោះ ទ្រង់មានព្រះរាជបន្ទូលអំពាវនាវដល់បងប្អូនប្រជាពលរដ្ឋកម្ពុជា...

សម្ដេចតេជោ ហ៊ុន សែន បានចាត់ទុកការញុះញង់នេះ មិនមែនជារឿងត្រឹមត្រូវឡើយ...