Author: ទីន Tin (ទីន Tin)

ប្រធានាធិបតីអាមេរិក Donald Trump បានប្រាប់ក្រុមអ្នកសារព័ត៌មានកាលពីថ្ងៃចន្ទ ទី២៧ ខែមករាថា ក្រុមហ៊ុនខ្នាតយក្ស Microsoft កំពុងបើកការចរចាទិញកម្មវិធី TikTok ពីក្រុមហ៊ុន ByteDance។ សារព័ត៌មាន Reuters បានចុះផ្សាយថា លោក Trump ចង់រៀបចំឲ្យមានការដេញថ្លៃ សម្រាប់ការទិញកម្មវិធី TikTok ដ្បិតបច្ចុប្បន្នលោកទទួលបានសំណើពីក្រុមហ៊ុនមួយចំនួន ដែលមានបំណងចង់ក្លាយជាម្ចាស់ថ្មីរបស់កម្មវិធីនេះ។ គិតមកទល់ពេលនេះ ទាំងក្រុមហ៊ុន Microsoft និងអ្នកតំណាង TikTok មិនទាន់ឆ្លើយតបជាមួយ Reuters ដើម្បីសុំការបំភ្លឹនោះឡើយ។ គួររំលឹកបន្តិចថា បន្ទាប់ពីចូលអង្គុយកៅអីមេដឹកនាំអាមេរិកភ្លាម លោក Trump បានចេញបទបញ្ជាប្រតិបត្តិការពិសេស ពន្យារពេលអនុវត្តច្បាប់បិទដំណើរការកម្មវិធី TikTok រយៈពេល ៧៥ថ្ងៃ ដើម្បីរកដំណោះស្រាយផ្ដល់ផលប្រយោជន៍ទាំងសងខាង។ លោក Trump បានសង្កត់ធ្ងន់ថា ក្រុមហ៊ុន TikTok បានផ្ដល់ការសម្រេចចិត្តឲ្យលោក ជុំវិញការបិទអាជីវកម្ម ឬក៏លក់កម្មវិធីឲ្យក្រុមហ៊ុនអាមេរិក ស្របពេលមេដឹកនាំរូបនេះបង្ហើបថា អាមេរិកគួរតែទទួលបានសិទ្ធគ្រប់គ្រង TikTok ៥០% បើពួកគេបន្តអាជីវកម្មនៅទីនោះ៕ អត្ថបទ៖ Luffy...